Organisacion
DTP ta e Autoridad Arubano cu ta encarga cu preparacion, desaroyo, conseho y evaluacion di leynan vigente y alabes maneho riba e sector di transporte publico. Departamento di Transporte Publico ta resorta bou di e Minister encarga cu Transporte Publico. DTP ta un departamento di gobierno cu ta existi pa 28 aña cu un total di 30 empleado.
Meta
Departamento Transporte Publico tin como meta principal, desaroya y ehecuta maneho riba tereno di transporte publico riba nos careteranan. Alavez DTP ta hiba control riba desaroyonan cu ta tuma lugar den e sector aki.
Vision
Departamento Transporte Publico ta aspira pa crea un sistema di transporte publico moderno, organisa y sostenibel cu ta atende e necesidadnan di tanto residente como bishitante, promove mobilidad y contribui na un Aruba mas berde y menos congestiona.
Departamento Transporte Publico ta duna servicio primeramente na e cliente di e siguiente categoria di permiso:
- Taxi (465);
- Autobus chikito y grandi (160);
- Auto di huur (6000);
- Brommer di huur (400);
- Tour auto (380);
- Transporte irregular (380).
Tareanan
Tareanan primordial di Departamento Transporte Publico ta consisti e.o.:
- Conseha y traha maneho pa loke ta trata transporte publico;
- Tene control y inspeccion basa riba e leynan di transporte publico, unda ta controla si e
cliente ta cumpli cu condiccionan ancra den legislacion di transporte publico; - Administracion, duna conseho na Minister relevante, otorgacion, correcion, traspaso,
renobacion y revocacion di permisonan pa trasnporte publico. - Encarga pa traha plan logistico di transporte publico.
