Inauguracion di website di Departamento di Transporte Publico
Awe, 10 di October 2024 - Departamento di Transporte Publico ta pone e prome paso den direccion di digitalisacion. Un era pa informa, colabora y brinda servicio di tranporte eficiente y accesibel. Digitalisacion ta e palabra clave pa realisa e metanan aki. Riba e plataforma lo publica regularmente noticianan y informacion relevante.
Como un team lo continua di transforma e organisacion rumbo pa un era di digtalisacion y asina brinda e servicionan mas efficaz y efficiente. Nos ta continua di traha hunto pa e vision pa crea un sistema di transporte publico moderno y organisa cu ta atende cu e necesidadnan di tanto residente como bishitante, promove moblilidad y contribui na un Aruba mas sostenibel.
Organisacion
Departamento di Transporte Publico (DTP) a transforma di Dienst Openbare Personen Vervoer (D.O.P.V) estableci na 1996 pa D.T.P. na aña 2012 cu e compromiso pa facilita y optimalisa transporte publico pa cada un bishitante y ciudadano na Aruba.
Meta
Departamento Transporte Publico tin como meta principal, desaroya y ehecuta maneho riba tereno di transporte publico riba nos careteranan. Alavez DTP ta hiba control riba desaroyonan cu ta tuma lugar den e sector vigente.
Tareanan
Tareanan primordial di Departamento Transporte Publico ta consisti di:
- Conseha y traha maneho pa loke ta trata transporte publico;
- Tene control y inspeccion basa riba e leynan di transporte publico, unda ta controla si e cliente ta cumpli cu condiccionan ancra den legislacion di transporte publico;
- Administracion, duna conseho na Minister relevante, otorgacion, correcion, traspaso, renobacion y revocacion di permisonan pa trasnporte publico.
- Encarga pa traha plan logistico di transporte publico.
